2015. ekitaldian enplegua sustatzeko ekintzak garatzeko Lanbide-Euskal Enplegu Zerbitzuak egindako 3. deialdian, Durangoko eta Elorrioko udalek (azken hori Abadiño, Atxondo, Berriz, Garai, Iurreta, Izurtza, Mañaria eta Zaldibarko udalen izenean) diru-laguntza ekonomikoak jaso zituzten, enplegua sustatzeko ekintzak abiarazte eta gauzatze aldera. Durangoko Udalaren kasuan, Lanbidek emandako diru-laguntza 177.000 eurokoa da. Diru hori, merkatu arrunteko enpresek langabezian dauden eta Lanbiden enplegu-eskatzaile gisa izena eman duten pertsonak kontratatzea errazteko erabiliko da. Enpresek diru-laguntza jasotzeko, nahitaezkoa da kontratatutako pertsona Durangon erroldatuta egotea, enpresak egoitza Bizkaiko beste herri batean izan arren.   Guztira, 34 diru-laguntza emango dira: horietatik 25, gehienez 6.000 eurokoak eta 6 hilabetetik gorako kontratuetarako izango dira; gainerako 9ak, gehienez 3.000 eurokoak eta 3 hilabeteko kontratuetarako izango dira.   Elorrioko Udalak, berriz, gainerako herri guztien ordezkaria den heinean, 158.091,52 euroko diru-laguntza jasoko du, Urkiola Landa Garapenaren bitartez honako hauek kontratatzeko: -       2 langile Durangaldeko basoen eta bideen garbiketarako, mantentze-lanetarako eta egokitzapenerako. -       5 langile espazio publikoen eta kaleko altzarien mantentze-lanetarako. -       2 langile Agente Zibikoen Kidegoa osatzeko. -       Langile bat eskualdeko Turismo Plana eguneratzeko eta dinamizatzeko, eta Elorrioko bisita turistiko gidatuen programa antolatzeko. -       Langile bat eskualdeko proiektu agroekologikoa eta gastronomikoa gauzatzeko, nekazaritzako eta abeltzaintzako produktuak ekoizte eta sustatze aldera. -       Langile bat Erantzukizun Sozial Korporatiboaren aldeko apustua egiten duen enpresen sarea aztertzeko, sozioekonomikoki balioesteko eta sustatzeko.    Horrez gain, beste 5 diru-laguntza deialdi egin dituzte plan horretako 9 udalerrietako batean erroldatutako enplegu-eskatzaileak kontratatzeko. Diru-laguntzaren zenbatekoak honako muga hauek ditu: ü  1. mota.- Gehienez, 3.000 €-ko diru-laguntza, lanaldi osoz eta gutxienez 3 hilabetez kontratatzeko (kontratazio bat). ü  2. mota.- Gehienez, 6.000 €-ko diru-laguntza, lanaldi osoz 6 hilabetetik gora kontratatzeko (4 kontratazio).   Durangoko eta Elorrioko udalek eskualdean enplegua sustatzeko ekintzak "Durangaldea prestatuz" foroan aztertu eta balioztatu ziren. Honako hauek izan ziren foro horretako parte-hartzaileak: -      Eskualdeko eta Durangoko Merinaldearen Amankomunazgoko udalak. -      Iurretako Institutua eta Maristak ikastetxea. -      Dendak Bai eta Durangaldeko Enpresa Elkartea. -      Sartu-Zabaltzen. -      Lantegi Batuak. -      IK4-Azterlan. -      Durangaldeko Lehiakortasunerako Poloa. -      EHNE. -      Lanbideren Iurretako egoitza. Foro horretan onartu eta ezarri ziren eskabideak baloratzeko irizpideak. Horien arabera, puntuazio handiena honako kontratu hauek jasoko dute: -      5 langiletik beherako enpresen kontratuek. -      Durangaldeko ikastegiek eskaintzen dituzten ikasketak eskatzen dituztenek, hala nola Hasierako Lanbide Prestakuntzarako Programak, Erdi Mailako ikasketak edo Goi Mailak ikasketak. -      Iraupen mugagabekoek. -      Durangaldeko Enplegu Planean lehenetsitako jardueretarako kontratuek; esaterako, industria eta sortze bidean diren sektore osagarriak, edo garapen-aukera handia dutenak (nekazaritza ekologikoa, enplegu berdea, turismoa, pertsonen arreta, IKTak, etab.).   Durangoko Udalaren kasuan, kontuan hartuta bertako enpresen sarea, lehentasuna eman zaio zerbitzuen sektoreari; batez ere, merkataritzari eta ostalaritzari. Era berean, enplegagarritasun txikiena duten kolektiboak lehenetsi dira. Lanbide-Euskal Enplegu Zerbitzuaren deialdiaren barruan enplegua sustatzeko tokiko ekintzetarako kontratazioa egiteko Abadiño, Atxondo, Berriz, Elorrio, Garai, Iurreta, Izurtza, Mañaria eta Zaldibarko udalei dagozkien oinarri arautzaileak eta deialdia 2015eko irailaren 24ko BAOn argitaratu ziren. Oinarri horiei jarraiki, eskabideak eta dokumentazio osagarria aurkezteko epea 2015eko azaroaren 27an amaituko da. Bestalde, Durangoko Udalaren diru-laguntzen oinarri arautzaileak datorren astean argitaratuko dira. Orduantxe zabalduko da plantilla handitu nahi duten enpresek durangarrak kontratatzeko epea.